sad Poetry |Ghazal Poetry |2 Line Poetry |love poetry

 

ادا ہر اک دلیلِ بے مثالی ہے

Poet: صفدر By: رانا علی, Lahore

ادا ہر اک دلیلِ بے مثالی ہے
وہ کتنا شوخ سا اورلا اُبالی ہے

تری چنچل نگاہِ شوق نے اکثر
مرے دل میں جگہ ہردم بنالی ہے

گُھلا ہے رنگ جوگُلشن کے پھولوں میں
مرے محبوب کے چہرے کی لالی ہے

چمن مہکے، کلی چٹکے،صبا بہکے
وصالِ یار کی ساعت نرالی ہے

غموں سے زندگی کے ڈر رہے ہوتم
ارے اٹھو بڑھو، اللہ والی ہے

شہر میں ہرطرف ہے خوف کا عالَم
عدو نے امن کی دولت چرالی ہے

ہے رقصاں بنتِ حوّا برسرِ محفل
یہ کیسی بدنُما روشن خیالی ہے

جہاں سے مانگ کر بھی کیاملا ہمکو
ہمارے خُم کودیکھو پھربھی خالی ہے

بتا دے کوئی آکر مجھکو یہ صفدر
غموں سے کس طرح دل کی بحالی ہے